Cornelis van der Wal, Frysk dichter
Frisian Poetry
Besprekken
Publikaasjes
Filmkes Komposysjes Twitter
Audioboek
Hûn
oan 'e himel. Fergees!
Contrabas
Skokkend
petear!
Kultuer
mei Knilles, satire op
Farsk
Cornelis
van der Wal op
Literatuurlinks
Jelle Nicolai en Cees Woudsma binne sneintenacht oanhâlden omdat se mei bierblikjes nei auto's goaiden. Nicolai hat in Frysktalige ferhalebondel "In pleister op myn siel" skreaun, sa sei er tsjin de plysje. Neifraach by Tresoar smiet lykwols neat op.
Woudsma is bekend fan syn nea publisearre en nea lêzen fersesyklus "Sinne en Moanne."
Lês fierder by Omrop Fryslân.
Cornelis van der Wal sil jûn Bamy ite.
'Dames en Hearen, wy witte allegear wol, dan minsken net de guodlikste en noflikste kreatueren binne. Wy binne net altyd like freonlik foar ús meiminsken, krekt oarsom, wy nimme harren graach har uterlike ferskining, har dieden, har ideeën, ja, har bleate eksistinsje, kwea-ôf.
Wis, Abe syn ideeën doge net. Bearn syn hier is te lang. Cor syn gesicht stiet ús net oan, Durkje har stavering liket nearne nei, Evert hat de knepen ynwindich, Feikje is fyn, Gurbe leaut yn God noch gebod, Hindrik is eigenwiis, Inne is konservatyf, Jan is Roomsk, Klaes is ôfskaffer, Libbe hat sitten en sa it hiele abee út.
Lit ús der op it krekte plak oer kreauwe, lit ús har it leksum dêroer lêze, lit ús besykje har it sykheljen ûnmooglik te meitsjen, mar lit ús ien plak oerhâlde, dêr't de literatuerleafhawwers inoar as freonen moetsje kinne. Lit ús It Skriuwersboun fuortsterkje en earnstich nimme.'
Jo Smit, út Mar ik sil skriuwe: 25 jier it Skriuwersboun
De poll stiet loftsboppe. En net cheate hin!
Georg Heym,
Die Stadt
Sehr weit ist diese Nacht. Und Wolkenschein
Zerreißet vor des Mondes Untergang.
Und tausend Fenster stehn die Nacht entlang
Und blinzeln mit den Lidern, rot und klein.
Wie Aderwerk gehn Straßen durch die Stadt,
Unzählig Menschen schwemmen aus und ein.
Und ewig stumpfer Ton von stumpfem Sein
Eintönig kommt heraus in Stille matt.
Gebären, Tod, gewirktes Einerlei,
Lallen der Wehen, langer Sterbeschrei,
Im blinden Wechsel geht es dumpf vorbei.
Und Schein und Feuer, Fackeln rot und Brand,
Die drohn im Weiten mit gezückter Hand
Und scheinen hoch von dunkler Wolkenwand.
No sa. Foar dejinge dy't it noch net sjoen hie: wer in treflik nij skerp essee fan Piter Boersma op ensafh. Diskear û.o. oer it taalbelied by it tydskrift De Moanne. Gjin spjeld tusken te krijen. Heden, ik wol hieltyd 'Farsk' skriuwe as ik ensafh bedoel, no't ik wer webmaster bin komt soks tink automatysk wer nei boppe...
Sjoch, in Hollânsktalich artikel yn de Moanne fan ien dy't de Fryske taal skriftlik net yn 'e macht hat... soks moat kinne. Bin ik hiel tolerant yn. Net te faak fansels.
Mar E. Hettinga sjocht del op it Frysk en skriuwt dêrom yn it Hollânsk, earst dan wurdt er (mient er) foar fol oansjoen.
En hâld no ek ris op mei al dy trochsichtige, efterbakse pseudonimen. Stylûndersyk hat útwiisd dat D.S. Wije... Eeltsje Hettinga is. En sa spûke der wol mear alter ego's by Mous om. It binne foar in grut part allegear lytse Eeltsjes...
Haw lekker iten. Nasy.
Ik hie it oant no ta Geheim hâlden, mar sûnt in wykmannich haw ik ek in E-reader. Ik koe him eins net betelje, mar nei wat hinne- en wer skowen mei rekkeningen en it gas en ljocht in moanne letter te beteljen haw ik der dus ien keapje kind. It is de Sony Reader Pocket Edition wurden. Hy is by de Mediamarkt sa'n 30 Eury goedkeaper as by Bol.
Ik bin der hiel bliid mei, al, dat hearre jo dan te sizzen, it kin in 'echt' boek net ferfange. Mar it lêst hiel noflik, de batterij giet hiel lang mei en it is maklik te betsjinjen.
Ik bin û.o. de skripsje fan Joke Corporaal oer Anne Wadman op de Sony oan it lêzen. Dy koene jo earne dellade, bin de url kwyt. I n treflik boek, al wit ik net oft der in soad ferskillen mei de hannelsedysje binne.
En wat sitte der allegear mear foar boeken op? Te folle om op te neamen. Poëzij noch it measte. In hiel soad is gewoan fergees te krijen. Der stiet mar ien Frysktalich boek op... Fan Hjerre Gjerrits van der Veen. Ik wit sa gau net mear wêr't ik dat delladen haw. Letter mear...
Haw haché mei reade koal en rjappels iten.
Updeet: hjir stiet de dissertaasje fan Joke Corporaal.
Klik op de kop
Laatste reacties